Kalaallisut oqaluttut aamma oqaatsivut:
Nunatsinni inatsisiliortugut suusupagineqartunut ilaapput, allaat nunarput tamakkerlugu kalaallisut
oqaatsivut pingaarnertut inissisimagaluartut skandinaviamit tikisitagut “itummatta qaani”
inuutingaaratsigit atuartuussuserput kinguarsartuarpaat, allaat suliffitsinni akissaajaatitut
inissisimalersimallutik.
Oqaatsivut suli qaffassarnissaat anguniarlugu naalakkersuinikkut suliallit kalaallisuumut iliniutinik
pilersitsisariaqarput kalaallisut oqaluttunik suliaritillugit.
--------------------------------------------------------------------------------------
Nunaqavissut akissarsiaat tikisitallu akissarsiaat:
Nunatsinni sulisartut kalaallisut oqaluttut suliuvarlutik aningaasanik sinneqartarnerat annikeqisoq
ilisimaneqarpoq, aammami akissarsiat qaffanneq ajortut amerlammata, akissarsiat ilaat ukiut 10-30
nikissimanngitsut tusartaleratsigit.
Skandinaviamit tikisitat illuminnut akiliisalersimagaluartut suli tassa akissarsiat nikinganerat
malunnarpoq, nunaqavissut kalaallisut oqaluttut akissaatilukkaluit nunarsuarmi kangianit tikittut
uumasupiluttut amerika inussiijaateqarneratut suli pineqarput.
--------------------------------------------------------------------------------------
Qallunaatuumut nutserivallaarneq:
Nunarsuaq tamakkerlugu asuli akissaajartut ilagivaatigut, tassami pisariaqanngitsumik oqaatsit
marluviit nunatsinni aningaasaatikeqisumi atugarigatsigit.
Nunattami ukiumut kaaviaartitaat aningaasat qiviarutsigit, pingasunut averiarlugit ataatsit
qallunaatuumut nutserinerinnarmut atortarpagut, naak nunatsinni atugassarititaasut suut tamarmik
aningaasameertut.
--------------------------------------------------------------------------------------
Suliffissaaleqisut aammalu iliniarsimasut:
Nunarsuaq tamakkerlugu suliffissaaleqineq atuuppoq, nunatsinnilu suliffissaaleqisut
tassaalersimapput kalaallisut oqaluttut iliniarsimasut.
Pisortatigoortumik atorfiit piumasaqarfigisariaqalerput kalaalisut oqalunneq piginnaaneqarfigigaanni
atorfimmik pissarsineq. Nakorsat massakkuugallaq amigaataapput, sinneri kalaallit sapinngilaat.
--------------------------------------------------------------------------------------
Nunatta pisuussutai:
Nunatsinni pisuussutit uumaatsunik taasartakkagut nunatsinni najugaqavissunit iluaqutaanissaat
suliffissatigut taamaallat pigani pisariaqarpoq.
- Guld nunarsuup ilaani kunngiusunut tunniussuvinnarnagit nunatsinni toqqorterniarlik namminerisamik aningaasaqalerniassaagut.
- Aatsitassat saviminissat piiarneqarnerani annissuisut tons-mut akileraarusersorniarlik
- Pisuussutit erlinnartuutit aligoqqiit assigisaallu nunatsinni eqqumiitsuliortut ilusilersorlisigit, avammut tunippata nunatsinnut akileraarneratigut isaatitsissutaassapput.
- Olie, aatsitassatut saviminissatut akileraarusersorlugu.
- Pisuussutit imarmiut aalisakkat assigisaallu ilivitsuutillugit nunatsinnit annissuvinnarnagit nereriaannanngorlugit pisiniarfinni nioqqutissianngorlugit nunatsinnik annissorniarlik.
|
